السلام عليكم والرحمة
مراحب حبايبي الاعضاء وحشتووووني رغم اني لسى ماعرفتكم كلكم لكن اكيد بحبكم وبتحبوني واتمنى تحبون مشاركتي المتواضعه
هذي قصة من تاليفي باللهجة الحساوية (لهجتي )
راح احط جزء بسيط منها لاشوف مدى تفاعلكم معاها
اتمنى لكم وقت ممتع وقراءة مسلية
القصة بعنوان ( بلاوي دنيا )
يوم الجمعه العصر00قاعده اتمشى في صالتنا ، التف والتف لين ما التف راسي واهني جات الفكره (فكرة القصهالجديده) وان شاء الله تعجبكم واشوف ردودكم الأوليه ومنها أحكم على البدايه واشوفإذا أكملها ولالأ 0القصه تدور حول بيتمن بيوت الأحساء تتألف من
1_ بوعادل )الأبو(
_2 أم عادل (الأم)
_3 عادل (الابن الأكبر) ويعيش في شقه مع زوجته (رمله) فوق بيت الوالد
_4 فاطمه (الأخت الوسطى)
_5 ميثم ودلال (توأم في المرحلة الثانويه الأخيره)
وبعد في شخصيات بتطلع مع الأحداث
الحين نضغط على ENTER
بوعادل انتبه على صوت الآذان الأخير ، قام من سريره بعد ما جلس أم عادل وياه وبصوت كله قوه وغلاظه: أم عادل 00 قومي صلي وقعدي معاش العيال 0
وهي مو قادره اتفتح اعيونها لكن مجبوره : ان شاالله 0
سفط اجمومه وهو يقول: أصبحنا وأصبح الملك لله ، توضأ وراح للمسجد ولما رجع شاف أم عادل توعي ميثم وهومتمقط وفاج حلجه والمسيكينه تقول له: قوم ياحبيبي لاتجيب حق روحك المصايب 0 وبصوت هز البيت : ميثمو وطوفه ترقد عليك 00 قوم 0
ميثم ينط من سريره متصومع جنه أحد ناقزه بدبوس : هاااهاا أي انشاالله انشاالله 0
راح بوعادل جلس في الصاله فتح الراديو وطول عليه للآخر واحتار على أي إذاعه يخليه وأم عادل بعد ماتأكدت من ان البنات صلوا ادخلت المطبخ تسوي الفطور 0 ميثم جلس امقابل ابوه وهو يرقل من الخوف وابو عادل يخزه ابعين : اشفيك يالدثوي ؟ _ هاا لا00 مافي شي بس بردان 0 ويرجع يفرفر ابهالإذاعات 0 حطت أم عادل السفره واشوي اطلعت فاطمه تساعدها ، مرت على الصاله : صباح الخير يبه 0 وهوماجنه يسمعها ، فاطمه متعوده عليه مواول مره وخذت الامر بكل بساطه وادخلت المطبخ : صباح الخير يمه 0 _هلا يمه 0 _ خليني اساعدك 0 _ لايمه خلصت 0 _ يعطيج العافيه يالغاليه 0
اطلعت دلال وهي لابسه المريول تتثاوب وعيونها حمر ، شافت ابوها واتعوذت من ابليس ، جات ابتطلع ووقفها : وين ؟ _ يبه الباص يجي امبجر ولازم اروح الموقف 0 _ قعدي اليوم انا اللي بوصلج0 _ ليش يبه00 والمحل ؟ 0 _ واحطبه 00 شيدخلج ؟
البنيه نست روحها ، اكمخت جبهتها والصقت بخوها تتحلطم : سكنهم مساكنهم 0
ميثم : سكتي واللي يعافيج 0
بو عادل : اشقاعده اتقولين ؟0 _ هااا00 سلامتك اسأله عن الفيزيا 0
جات أم عادل وفاطمه وعندهم اصحون الفطور 0 بوعادل : ماصارت0
الأم والبنت ساكتين 0 حطوا الصحون واجلسوا على السفره وكآبه مامنها كآبه 0
خلصوا فطورهم واسمعوا صوت الهرن وبدون توقف 0 ميثم : أكيد هذا عزيزو جا 0 الأبو : قله هالمره لايزعجنا بهرنه لاأقوم عليه وأوربه شغل الله 0 الولد يهز راسه ومشى0 الأم : تدري يابو عادل شباب 0 الأبو : من حق شباب 00 كل واحد00 خليني صاكت 0 والتفت على فاطمه : وانتي امتى دوامج ؟ فاطمه _ يبه 9 00 انت بتوصلني ؟ علشان أكلم الباص لايمر0 الأبو : لاموفاضي ، هاا دلال جهزتي ؟ دلال واخدودها كوره من الأكل : من زمان 0 الأبو : اكلي اللي في حلجج حسبي الله عليج ابنيه 0 الأم وهي تشيل الصحون : بوعادل 00 بيت جيرانه ابتدوا يقرون عشره 00 ما عليه أروح اتسمع ؟ بوعادل : كيفج 00 يالله ياابنيه 0 دلال البست عباتها ابسرعه وجات وراه وهي تطق على صدرها بالخفيييييييف 0 ابطلعتهم التهويه كان عادل نازل من شقته بيروح شغله ورمله تحفه وتقره آية الكرسي وتنفخ عليه وهومستانس يضحك : رمله وانت كل يوم ابهالحاله ؟ ماتعبتي !!؟ رمله_ التعب على راحة وسعادة نور عيني ألذ من الشهد 0 عادل : فديتج يالغاليه0 التفت عليها وكلهم اشراقه جنهم طيور الحب ، تعدل اشماغه وتحط القلم الفضي الكشخه في جيب الثوب إلاانتبهوا بالسيد الوالد 0 عاد : أوه يبه ماانتبهت عليك صباح الخير ويروح يحب راسه 0 الأبو : بالخير يالسبع يقولها ابسخريه وعادل مارد عليه وراح دخل لأمه يصبح عليها 0 رمله_صباح الخير عمي 0 الأبو : يوجعج السانج إذا قلتي يبه ؟ رمله_والله مااقصد00 آسفه يبه0 ويلتفت على دلال : بروح أسخن السياره0 _انزين 0 ولما راح قربت يم مرت أخوها : أقول رموله00 حبيبتي الليله السهره عندج تدرين الليله الخميس وعادل يروح يم ربعه في الإستراحه 0 رمله_آه منج يالعياره ماتصعدين علشاني00 تصعدين كرمال بوهنود تشوفينه0 _بعد شسوي يالحبيبه00 الحكومه تتواجد مع فلم الإمارات0 _هههههه غربل ابليسج0 _مع السلامه0 _في حفظ الله0 حرك بوعادل وبعده طلع عادل وحرك 0 لما وصل الأبو يم المدرسه شاف البنات اللي يدخلون ، المايعه واللي رافعه عباتها واللي تتكركر مع رفيجتها0 بوعادل : صج اجلال حيه 00 ليكون تسوين مثلهم ولااتماشين هالأشكال الخمه ؟ دلال_لاوالله العظيم اناتربايتك0 ماعلق لكن في داخله استانس من كلمتها0 اطلعت من السياره وهي تلهج بنادي علياً مظهر العجائب وهوراح محله ، قابلتها ساره صديقتها:احم00احم اشوف اليوم دلع؟ _ أي دلع00 مسلسل رعب مدته 5 دقايق في السياره وغبرالحلقات المنزليه00 المهم شفتي هبله لطيفه ؟ _اي 00 توها داخله قبلج0 _اعوذبالله تراني ماحليت واجبها 0 _ابسرعه00 روحي حليه قبل لاتصفر0 وفي البيت0000000
أم عادل تلف الشيله على راسها ناويه بتطلع إلا ابدخلة فاطمه: يمه00 ابوي ليش جذي؟ _من اول ماتزوجتهوهوعلى حالته يمه0 _ماكلمتيه!!؟ _تضحك بنبره حزينه كلمته ووراني الويل00 زعلت ورحت بيت اهلي ورجعوني وهوماصدق خبرعلشان يلعب بي على كيفه 00 (وهي تتنهد( رضيت بقدري وتعودت عليه وجبتكم وانتوا اهلي ودنيتي0
_يمه موحاله00 عنده خيرواعيال وش يبغي بعد!!!؟0 البست الأم عباتها واطلعت شايله في قلبها ألمها وحسرتها وشتقول لبنتها 0 وبعد اشوي مر الباص وراحت فاطمه دوامها، اوصلت المستشفىوالبست بالطوها الطويل مع النقاب الأبيض جات لها سستر قمبق قمبق(الفلبينيه) : سستر فاطمه دقتور ناصر هذا يقول وين سستر فاطمه؟ _ ليش00 خير ان شاالله!!؟ قمبق : هوفي قسم اسعاف0 فاطمه: ok 0 في غرفة الإسعاف طفل داخله في رجله قاعة غرشه مكسوره وميت من الصياح0 فاطمه: السلام 0 دكتور ناصر:وعليكم السلام هلا سستر0 فاطمه تكلم الولد وتمسح على راسه: لاتصيح حبيبي 00 بسيطه رجلك ابخير0 الدكتور يخيط الجرح ويسمع كلامها للولد ويتمنه لو انه محله0 دكتور ناصر:يعطيك العافيه اخت فاطمه من غيرك ماادري اشسويت جات سستر دعاء ومااقدرت تتفاهم مع الولد0 فاطمه ابخجل:اشدعوه دكتور هذا واجبي 0 جات ابتطلع وكلمها:سستر ممكن ؟ _تفضل آمر!0 _لو000 تعطيني رقم جوالك00 إذا ماعندك مانع، في موضوع مهم ودي استشيرك فيه وماينفع هنا0 فاطمه ساكته ومتردده وموعارفه شتجاوبه اهي واثقه منه ، طول المده اللي اشتغلت فيها معاه ابقسم واحد ماشافت منه إلا كل التزام واحترام لنفسه،قطع افكارها ابصوته:اعاهدك اني راح امسح رقمك بعد المكالمه0 فاطمه:مومشكله0
بعد الظهر جات دلال وشافت ميثم يلعب ابلاي استيشن اجلست وخذت اليد الثانيه تقول له:اقول يابو الشباب حطه على الكوره0 ميثم:صليتي ياحظي؟ دلال:أجل00 في المدرسه0
ميثم:انزين روحي فصخي مريولج يالفسله0 _أوووووه00 بعدين0 ميثم:ماراح اكسر ابخاطرج بس لاتصيحين إذا رقعتج بالاهداف0 _ههههههه انت اضحكني00 أقول رح اشتر لي آيس0 _أقول انطمي تراني عطيتج وجه0 _بل عليك ابتحتاجني يوم0
تطلع الأم من المطبخ بيدها الملاس:ماجا أبوكم ياعيال؟0 دلال:هلا وغلا بام عادل00 لامابعد، وتلتفت على اخوها: ميثمو فاطمه اليوم بتتغده في المستشفى وابوك بيستفرد ابنا0
_فال الله ولافالج يالقرده0 دلال تضحك بخبث هيييه هيييه0 اسمعوا صوت الباب وقومي يادلال وطيري الغرفه ، زقع:الغده يامره وجلس يطالع ميثم واسأله:قاعد تلعب ماوراك مذاكره؟ _ييييييييبه00 اليوم الاربعه قلت ارتاح وباجر بلتفت لدروسي0
_وامتى الاختبارات؟ _السنه الجديده ماخذت شهر من ابتدت00 ريضه اشوي0
حطت ام عادل الغده وجات دلال بأدب : السلام عليكم واجلست 0 وفي الغده بدى التعليق على المدرسين والمدرسات والضحك قايم ، عطهم خزه وارجعت الكتمه وأم عادل قلبها يتقطع على حالتهم 0
يلا اكمل لو لا ؟؟؟
مراحب حبايبي الاعضاء وحشتووووني رغم اني لسى ماعرفتكم كلكم لكن اكيد بحبكم وبتحبوني واتمنى تحبون مشاركتي المتواضعه
هذي قصة من تاليفي باللهجة الحساوية (لهجتي )
راح احط جزء بسيط منها لاشوف مدى تفاعلكم معاها
اتمنى لكم وقت ممتع وقراءة مسلية
القصة بعنوان ( بلاوي دنيا )
يوم الجمعه العصر00قاعده اتمشى في صالتنا ، التف والتف لين ما التف راسي واهني جات الفكره (فكرة القصهالجديده) وان شاء الله تعجبكم واشوف ردودكم الأوليه ومنها أحكم على البدايه واشوفإذا أكملها ولالأ 0القصه تدور حول بيتمن بيوت الأحساء تتألف من
1_ بوعادل )الأبو(
_2 أم عادل (الأم)
_3 عادل (الابن الأكبر) ويعيش في شقه مع زوجته (رمله) فوق بيت الوالد
_4 فاطمه (الأخت الوسطى)
_5 ميثم ودلال (توأم في المرحلة الثانويه الأخيره)
وبعد في شخصيات بتطلع مع الأحداث
الحين نضغط على ENTER
بوعادل انتبه على صوت الآذان الأخير ، قام من سريره بعد ما جلس أم عادل وياه وبصوت كله قوه وغلاظه: أم عادل 00 قومي صلي وقعدي معاش العيال 0
وهي مو قادره اتفتح اعيونها لكن مجبوره : ان شاالله 0
سفط اجمومه وهو يقول: أصبحنا وأصبح الملك لله ، توضأ وراح للمسجد ولما رجع شاف أم عادل توعي ميثم وهومتمقط وفاج حلجه والمسيكينه تقول له: قوم ياحبيبي لاتجيب حق روحك المصايب 0 وبصوت هز البيت : ميثمو وطوفه ترقد عليك 00 قوم 0
ميثم ينط من سريره متصومع جنه أحد ناقزه بدبوس : هاااهاا أي انشاالله انشاالله 0
راح بوعادل جلس في الصاله فتح الراديو وطول عليه للآخر واحتار على أي إذاعه يخليه وأم عادل بعد ماتأكدت من ان البنات صلوا ادخلت المطبخ تسوي الفطور 0 ميثم جلس امقابل ابوه وهو يرقل من الخوف وابو عادل يخزه ابعين : اشفيك يالدثوي ؟ _ هاا لا00 مافي شي بس بردان 0 ويرجع يفرفر ابهالإذاعات 0 حطت أم عادل السفره واشوي اطلعت فاطمه تساعدها ، مرت على الصاله : صباح الخير يبه 0 وهوماجنه يسمعها ، فاطمه متعوده عليه مواول مره وخذت الامر بكل بساطه وادخلت المطبخ : صباح الخير يمه 0 _هلا يمه 0 _ خليني اساعدك 0 _ لايمه خلصت 0 _ يعطيج العافيه يالغاليه 0
اطلعت دلال وهي لابسه المريول تتثاوب وعيونها حمر ، شافت ابوها واتعوذت من ابليس ، جات ابتطلع ووقفها : وين ؟ _ يبه الباص يجي امبجر ولازم اروح الموقف 0 _ قعدي اليوم انا اللي بوصلج0 _ ليش يبه00 والمحل ؟ 0 _ واحطبه 00 شيدخلج ؟
البنيه نست روحها ، اكمخت جبهتها والصقت بخوها تتحلطم : سكنهم مساكنهم 0
ميثم : سكتي واللي يعافيج 0
بو عادل : اشقاعده اتقولين ؟0 _ هااا00 سلامتك اسأله عن الفيزيا 0
جات أم عادل وفاطمه وعندهم اصحون الفطور 0 بوعادل : ماصارت0
الأم والبنت ساكتين 0 حطوا الصحون واجلسوا على السفره وكآبه مامنها كآبه 0
خلصوا فطورهم واسمعوا صوت الهرن وبدون توقف 0 ميثم : أكيد هذا عزيزو جا 0 الأبو : قله هالمره لايزعجنا بهرنه لاأقوم عليه وأوربه شغل الله 0 الولد يهز راسه ومشى0 الأم : تدري يابو عادل شباب 0 الأبو : من حق شباب 00 كل واحد00 خليني صاكت 0 والتفت على فاطمه : وانتي امتى دوامج ؟ فاطمه _ يبه 9 00 انت بتوصلني ؟ علشان أكلم الباص لايمر0 الأبو : لاموفاضي ، هاا دلال جهزتي ؟ دلال واخدودها كوره من الأكل : من زمان 0 الأبو : اكلي اللي في حلجج حسبي الله عليج ابنيه 0 الأم وهي تشيل الصحون : بوعادل 00 بيت جيرانه ابتدوا يقرون عشره 00 ما عليه أروح اتسمع ؟ بوعادل : كيفج 00 يالله ياابنيه 0 دلال البست عباتها ابسرعه وجات وراه وهي تطق على صدرها بالخفيييييييف 0 ابطلعتهم التهويه كان عادل نازل من شقته بيروح شغله ورمله تحفه وتقره آية الكرسي وتنفخ عليه وهومستانس يضحك : رمله وانت كل يوم ابهالحاله ؟ ماتعبتي !!؟ رمله_ التعب على راحة وسعادة نور عيني ألذ من الشهد 0 عادل : فديتج يالغاليه0 التفت عليها وكلهم اشراقه جنهم طيور الحب ، تعدل اشماغه وتحط القلم الفضي الكشخه في جيب الثوب إلاانتبهوا بالسيد الوالد 0 عاد : أوه يبه ماانتبهت عليك صباح الخير ويروح يحب راسه 0 الأبو : بالخير يالسبع يقولها ابسخريه وعادل مارد عليه وراح دخل لأمه يصبح عليها 0 رمله_صباح الخير عمي 0 الأبو : يوجعج السانج إذا قلتي يبه ؟ رمله_والله مااقصد00 آسفه يبه0 ويلتفت على دلال : بروح أسخن السياره0 _انزين 0 ولما راح قربت يم مرت أخوها : أقول رموله00 حبيبتي الليله السهره عندج تدرين الليله الخميس وعادل يروح يم ربعه في الإستراحه 0 رمله_آه منج يالعياره ماتصعدين علشاني00 تصعدين كرمال بوهنود تشوفينه0 _بعد شسوي يالحبيبه00 الحكومه تتواجد مع فلم الإمارات0 _هههههه غربل ابليسج0 _مع السلامه0 _في حفظ الله0 حرك بوعادل وبعده طلع عادل وحرك 0 لما وصل الأبو يم المدرسه شاف البنات اللي يدخلون ، المايعه واللي رافعه عباتها واللي تتكركر مع رفيجتها0 بوعادل : صج اجلال حيه 00 ليكون تسوين مثلهم ولااتماشين هالأشكال الخمه ؟ دلال_لاوالله العظيم اناتربايتك0 ماعلق لكن في داخله استانس من كلمتها0 اطلعت من السياره وهي تلهج بنادي علياً مظهر العجائب وهوراح محله ، قابلتها ساره صديقتها:احم00احم اشوف اليوم دلع؟ _ أي دلع00 مسلسل رعب مدته 5 دقايق في السياره وغبرالحلقات المنزليه00 المهم شفتي هبله لطيفه ؟ _اي 00 توها داخله قبلج0 _اعوذبالله تراني ماحليت واجبها 0 _ابسرعه00 روحي حليه قبل لاتصفر0 وفي البيت0000000
أم عادل تلف الشيله على راسها ناويه بتطلع إلا ابدخلة فاطمه: يمه00 ابوي ليش جذي؟ _من اول ماتزوجتهوهوعلى حالته يمه0 _ماكلمتيه!!؟ _تضحك بنبره حزينه كلمته ووراني الويل00 زعلت ورحت بيت اهلي ورجعوني وهوماصدق خبرعلشان يلعب بي على كيفه 00 (وهي تتنهد( رضيت بقدري وتعودت عليه وجبتكم وانتوا اهلي ودنيتي0
_يمه موحاله00 عنده خيرواعيال وش يبغي بعد!!!؟0 البست الأم عباتها واطلعت شايله في قلبها ألمها وحسرتها وشتقول لبنتها 0 وبعد اشوي مر الباص وراحت فاطمه دوامها، اوصلت المستشفىوالبست بالطوها الطويل مع النقاب الأبيض جات لها سستر قمبق قمبق(الفلبينيه) : سستر فاطمه دقتور ناصر هذا يقول وين سستر فاطمه؟ _ ليش00 خير ان شاالله!!؟ قمبق : هوفي قسم اسعاف0 فاطمه: ok 0 في غرفة الإسعاف طفل داخله في رجله قاعة غرشه مكسوره وميت من الصياح0 فاطمه: السلام 0 دكتور ناصر:وعليكم السلام هلا سستر0 فاطمه تكلم الولد وتمسح على راسه: لاتصيح حبيبي 00 بسيطه رجلك ابخير0 الدكتور يخيط الجرح ويسمع كلامها للولد ويتمنه لو انه محله0 دكتور ناصر:يعطيك العافيه اخت فاطمه من غيرك ماادري اشسويت جات سستر دعاء ومااقدرت تتفاهم مع الولد0 فاطمه ابخجل:اشدعوه دكتور هذا واجبي 0 جات ابتطلع وكلمها:سستر ممكن ؟ _تفضل آمر!0 _لو000 تعطيني رقم جوالك00 إذا ماعندك مانع، في موضوع مهم ودي استشيرك فيه وماينفع هنا0 فاطمه ساكته ومتردده وموعارفه شتجاوبه اهي واثقه منه ، طول المده اللي اشتغلت فيها معاه ابقسم واحد ماشافت منه إلا كل التزام واحترام لنفسه،قطع افكارها ابصوته:اعاهدك اني راح امسح رقمك بعد المكالمه0 فاطمه:مومشكله0
بعد الظهر جات دلال وشافت ميثم يلعب ابلاي استيشن اجلست وخذت اليد الثانيه تقول له:اقول يابو الشباب حطه على الكوره0 ميثم:صليتي ياحظي؟ دلال:أجل00 في المدرسه0
ميثم:انزين روحي فصخي مريولج يالفسله0 _أوووووه00 بعدين0 ميثم:ماراح اكسر ابخاطرج بس لاتصيحين إذا رقعتج بالاهداف0 _ههههههه انت اضحكني00 أقول رح اشتر لي آيس0 _أقول انطمي تراني عطيتج وجه0 _بل عليك ابتحتاجني يوم0
تطلع الأم من المطبخ بيدها الملاس:ماجا أبوكم ياعيال؟0 دلال:هلا وغلا بام عادل00 لامابعد، وتلتفت على اخوها: ميثمو فاطمه اليوم بتتغده في المستشفى وابوك بيستفرد ابنا0
_فال الله ولافالج يالقرده0 دلال تضحك بخبث هيييه هيييه0 اسمعوا صوت الباب وقومي يادلال وطيري الغرفه ، زقع:الغده يامره وجلس يطالع ميثم واسأله:قاعد تلعب ماوراك مذاكره؟ _ييييييييبه00 اليوم الاربعه قلت ارتاح وباجر بلتفت لدروسي0
_وامتى الاختبارات؟ _السنه الجديده ماخذت شهر من ابتدت00 ريضه اشوي0
حطت ام عادل الغده وجات دلال بأدب : السلام عليكم واجلست 0 وفي الغده بدى التعليق على المدرسين والمدرسات والضحك قايم ، عطهم خزه وارجعت الكتمه وأم عادل قلبها يتقطع على حالتهم 0
يلا اكمل لو لا ؟؟؟
الثلاثاء نوفمبر 12, 2013 11:24 pm من طرف نجمة السماء
» اظل للموت احبك وابقى اسولف فيك..
الثلاثاء نوفمبر 12, 2013 11:17 pm من طرف نجمة السماء
» أختبار في المشاعر أي نوع من الاشخاص أنت
الجمعة سبتمبر 20, 2013 7:05 am من طرف علي العبيدي
» تفسير رؤيا الصحابه رضي الله عنهم في المنام
الأربعاء أكتوبر 20, 2010 1:00 am من طرف علي العبيدي
» إياك ان تفعلها فتذهب رجولتك
الخميس أكتوبر 14, 2010 1:15 pm من طرف نجمة السماء
» آدآب دخول المنتدى ♥ من الألف إلى اليآء ♥أرجو التثبيت
الأحد أغسطس 15, 2010 12:07 pm من طرف ابن دجلة الخير
» قصة سيدنا أيوب عليه السلام
السبت أغسطس 14, 2010 11:56 am من طرف ندى الريحان
» جاوب الي بعدك..وضع سؤالا
السبت أغسطس 14, 2010 11:52 am من طرف ندى الريحان
» بعض ما قيل في رجال العراق
الإثنين أغسطس 02, 2010 11:29 am من طرف نجمة السماء