(((((انتهى الموضوع))مهداة الى الاخت الغاليه ((نجمة السماء))

(((انتهى الموضوع))))
طويناهه صفحتك وانتهى الموضوع
فعل ماضي صفيت وخلصت المده
أشتتوقع ابوس اجدامك من اتروح
واسحك كبريائي وأطلب النجده
صح جدمي عثر من شفت طولك لاح
لاكن مانخيتك منطحت عمده
توجيت اعله جرحي وما طلبت العون
لان ادري اليطيح اجوففه التسنده
صح الكمر اكبر والنجوم ازغار
بس تحله السمه مو بالكمر وحده
واذا ساكت تره مو لان ماكو السان
مرات الصمت من الحجي ابده
وجف المايصافح جفك بالاحساس
لاتتعب عليه وتنتخي ابزنده
من اكتب شعر لاتعتقد بطران
البلابل بالقفص من ضيمهه امغرده
ما اصدك بعد دمعاتك من اتطيح
هم يهمل دمعهه العين لو رمــده
روح بلا وداع وكل اثر ماريد
واليكت عالرمل يعرف قدر كتبـه


حزن النوارس يترك لكم باقة ورد
معطره باريج البنفسج ويرجو
ان تنال احسانكم