الرئيسية
شوفوا قصص بنات المدرسة فى الطابور الصباحى
البداية مع التفتيش
ليش مريولك موديله كنه فستان عرس ؟ أبله هذا ستايلي ..
ليش حاطة عدسات زرق ؟ أبلة عيوني هذي .. امي اوروبية .
ليش كل هذا الكحل ؟ أبلة عيوني كحلية طبيعيا .. . :
ليش المناكير ؟ أبلة هذي حنة سودانيه مو مناكير . :
ليش ما ترددين تحية العلم ؟ أبلة بلاعيمي تعورني .>> ههههه ومن الجهة الثانية صوتها ويا سوالفها واصل لآخر صف ..
ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة "حاشا القرآن "
ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
طبعا في بنت رقيقة تصيح وفي بنت دفشة بكرة تجيب القبيلة كلها تشتكي .هههههههههههههه
وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.
نمر للبنات اللي مبققات عيونهم على المعلمات !! ..
وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام
وين أبله"قد اعذر من انذر" ؟ هذي عندها مناعة طبيعية ماتمرض عشان تغيب هي و ربيعتها نو بودي...
وين أبله الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم قولو آمين
شوفوا معلمة عطيات تنورتها تحفة .. خيالية.. آخر موضة .....من وين اشترتها ؟
عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات : أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن وكل الناس تشوفني كاني أنا العروسة<<<معقوله>>>
تدرين مع من سولفت أمس بالشات ؟ مع لبناني وحاط صورته يمة يذوب ... شعر اشقر و عيون خضرا .
شفت فلانة امس فاتحة شعرها والكشه مغطيه خشتها
ولا علانة اللي كانت عايشة في ماليزيا اليوم جاية بقميص صوف والحراره 40 درجة غبية وحدة . << مايسوى على البنت
ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو
السبورة .. والله ينرحمون .
و في النهاية تجي معلمة و تقول مافي قلم : وين انتوا في سوق سمك ؟ ويقومون البنات ويضحكون على اي شئ كانهم خبايل
هههههههههههههههههههههههههههههههههه
__________________
وهذا شعر لبنات المدرسه ...!!
أفطر الصبح زيتونه......وأروح المدرسة مزيونه
أرجع البيت مهمومه......وشكلي كأني مجنونه
أذاكر ليل ونهار......وأصبر عالألم والنار
مع هذا أجيب أصفار......وما أطلع من الشطار!!
والله إني مظلومة......كله من أبله ميموونه
الحصه الأولى فاضيين......والثانيه علينا دين
والثالثه رياضيات......جاتنا أبله عطيات
مليت أنا من هالحصص......كل يوم نفس القصص
تعبت أضرب وأقسم..أحل معادلة أو أرسم
عاد درس الصرف......ما فهمت منه ولا حرف
أما قسم الأعراب ......ما بفهمه ولو شاب الغراب
ما أعرف أكتب تعبير......وما أفرق بين المفرد والجمع تكسير
بوصف لكم معلماتي......ياللي نكدن لي حياتي
نبدأ بأبلة العلوم......هذه تخص عمي سلوم
وعاد أبلة الفنية...... شكلها مره جنيه
و أبلة العربي......فالحة بس في ضربي
وأبلة الأنجليزي......تاكل رطب خنيزي
وأبلة الجغرافيا ......تمشي وهي حافية
وأبلة التاريخ......تصنع طايرات وصواريخ
وأبلة التربية الأسريه......راعية الفرن والصفريه
أما المعلم الخصوصي......ماادري؟؟يتكلم روسي
يوم السبت نسيت فلوسي......والأحد انقلعت ضروسي
في الحصه سرحانه......للبيت ولهانه
تعب راسي من التفكير......وعقلي شويه وبيطير
ياناااس رحموني......وبالنجاح ادعو لي
اتمنى ان تعجبكم ...
» اظل للموت احبك وابقى اسولف فيك..
» أختبار في المشاعر أي نوع من الاشخاص أنت
» تفسير رؤيا الصحابه رضي الله عنهم في المنام
» إياك ان تفعلها فتذهب رجولتك
» آدآب دخول المنتدى ♥ من الألف إلى اليآء ♥أرجو التثبيت
» قصة سيدنا أيوب عليه السلام
» جاوب الي بعدك..وضع سؤالا
» بعض ما قيل في رجال العراق