ما مرتاح
كاظم اسماعيل الكاطع
ما مرتاح ..ما مرتاح ..ما مرتاح
اعيوني تستحي بس الدمعوع اوكاح
ما مرتاح...
منك ،مني
من العدل، من الجاي
من الراح
عركه آويه الزمن
وأرجعنه مكسورين
وبعيده المسافه
وينسي اللي طاح
ما مرتاح..
لئن شفت الشمس
نزلت تبوس الكاع
وبجف الطفل تلاح
ولئن قاضي البلابل
مدد التوقيف
ومفتوحه السمه
والفيل عنده اجناح
ما مرتاح..
لئن قفل المحبَه انباك
وترهٌم عليه مفتاح
متروك بجزيره
وتيهت باليل
واجو ربعي عليَه
بقافله اشباح
وانته اشبيك ؟
لمن دافعت عن نفسي صابك غيظ
مو حتى الكنافذ من تحس بالخوف
تستخدم جلده اسلاح
ما جن الفجر،مثل الفجر محبوب
لون الفجر صاير
يقبض الارواح..
رجَعت الستاره بحركه عالشباج
ورثيت الورد وبجيت
من شفت الندم فوك المدامع طاح
دايخ بالحلم يمكن حلم مو زين
مات الورد كله
وما بجه الفلاح
وباليل المناجل تنغسل بالماي
ودم يابس عليها
وبالغسل ماراح
فزيت الصبح
شفت الحلم مذبوح
وبعيني نسه سجينته الذبٌاح
ما مرتاح..
من وكفو على الصوبين ما مرتاح
تمساح بنهرهم صاحوا من الخوف
وجازفت بحياتي من سمعت أصياح
صارعت المنيه وبيده هزني الموت
ومدم اطلعت، صفكوا للتمساح
قل شوف السفينه والضباب يزيد
وسيوف الملامه بجلوة الملاح
يا سن الصخر وتكسرت بالروج
مو جنت بزمانك ترهب السفان
من جوه الثلج_وجفوف اديك ارماح
ما مرتاح..
من ربعي ولا مرتاح...
نادوني وركضت أبليل
أيد الرسن بيه ،وأيد بيها اسلاح
عثرت مهرتي
وهمٌه كبل ما أطيح
واحد كال للثاني:ابشرك طاح [/font]
الثلاثاء نوفمبر 12, 2013 11:24 pm من طرف نجمة السماء
» اظل للموت احبك وابقى اسولف فيك..
الثلاثاء نوفمبر 12, 2013 11:17 pm من طرف نجمة السماء
» أختبار في المشاعر أي نوع من الاشخاص أنت
الجمعة سبتمبر 20, 2013 7:05 am من طرف علي العبيدي
» تفسير رؤيا الصحابه رضي الله عنهم في المنام
الأربعاء أكتوبر 20, 2010 1:00 am من طرف علي العبيدي
» إياك ان تفعلها فتذهب رجولتك
الخميس أكتوبر 14, 2010 1:15 pm من طرف نجمة السماء
» آدآب دخول المنتدى ♥ من الألف إلى اليآء ♥أرجو التثبيت
الأحد أغسطس 15, 2010 12:07 pm من طرف ابن دجلة الخير
» قصة سيدنا أيوب عليه السلام
السبت أغسطس 14, 2010 11:56 am من طرف ندى الريحان
» جاوب الي بعدك..وضع سؤالا
السبت أغسطس 14, 2010 11:52 am من طرف ندى الريحان
» بعض ما قيل في رجال العراق
الإثنين أغسطس 02, 2010 11:29 am من طرف نجمة السماء