الرئيسية
[b]وين الكه[size=18]
[b]كل عقلك فرح تلكه بحلك ناي
من تلمح اعيوني راح تلكه الرد
شترجه من المكابر غير طاري الموت
ومابيه المشانق غير حل وشد
صدكت الحجي وأملت بيك احلام
لكن ما لكيتك لمن صار الجد
انه ردتك تجيني بوكت بيه شمات
جنت اسمع حجيهم من أمر يشتد
الى ان ايسو منك ذروني ارتاح
لكو غيرك وغيري والحديث انسد
تجي هسه شبعد قصرت لو ما جاي
وين الكه الشماته حتى اكلهم رد
الك يد بحياتي اعترف ما ناسيك
بس انته بمماتي هم الك يد
انه ردتك تجي الساف الوكع تبنيه
هسه الساف خله بس اساسه انهد
حجر عثره الجرح حطيته كبل الروح
ومأمن ابجيتك راح بيه تصطد
ولو حد بالبدايه الك ما خليت
بس حاولت تالي ردت أحطلك حد
اتريد اشفاف تفرح انه شربه أنطيك
اريد افرح ولكن مستحي من الخد
غرك خدي دمع وشلت ما فاد
أتصور فوك جفني ردت احطن سد
جنت اسكت كبل لو هددتني اتروح
اخاف تروح مني عن زعلتي ارتد
هسه انته رحت وانه من اخاف منين
انته اتناسيت كلشي واعتبرتك ند
شغير بيك .. كلبك..مستحيل اتصير
هو اللون الاسود يبقى لون اسود
كلما جايني جاي اقتنع وانساك
وبكل امنياتي جاي احس ازهد
اله اسباب الزعل مو عن فراغ ايصير
ما صار الجزر لو ما يصير المد
نفسهن؟؟ ماجبت فد شي جديد
يا جرح الاشوفخ ؟؟؟عندي منه أشكد
وعه بيك الورد شافك شتلت اسهام
نايم سوى روحه حتى ما يشهد
وأسئل جفن عيني حتى ادينك بيه
عن لا يحجي اندسه بيه جنت ارمد
أشيل اضماد جرحي اتريد؟؟ لا مو هيج
انته أسئلني الاول انه جرحي انشد
يستشري الحزن وأستئصله كل يوم
الى ان اخبروني ان حزنك قد
وصل حاله بعد منك صعب ينشال
جروحك بيه امجلبه جذره بيه امتد
كظه وكتك مثل ما خلص وكتي بيوم
وين اتريد احطك باب كلبي انسد
رذاذ العل ورد صح نده بس لو طاح
تتغير اوصافه مو نده ينعد
بس ايجوز اذا حر الشمس يجويه
يتبخر ايجوز وللورد يصعد
على ما اشوف دمي ينكطع لو لا
من جمرة اصوابي تنطفي وتبرد
زين انته بقى صوتي وراي وياك
انه من رحت عني ما بقالي احد
مو جرت مكص بس ماكو اثر جفين
جا بصمات ظلت لو بفعلة يد
فرق يوسف بريء اتضح من تهموه
تقنعني قميصك من دبر ينقد
يوسف من لبس جان القميص اكدار
بس انته قميصك بيه كصر ما كد
اريد اقضي بجريمه ماكو بيه اشهود
بس كلمة انساني والزعل والصد
عندي المشكله بين الجرح والسيف
سيفك..جرحي..كلي ياهو منهن هد
ولهذا اني كلما اوصل انطي احكام
اكول الجلسه هسه ترفع للغد
وحبي وتحياتي لكم
حـــــــــــــــــــــــــزن النـــــــــــــوارس
[/b]
[/size][/b]
» اظل للموت احبك وابقى اسولف فيك..
» أختبار في المشاعر أي نوع من الاشخاص أنت
» تفسير رؤيا الصحابه رضي الله عنهم في المنام
» إياك ان تفعلها فتذهب رجولتك
» آدآب دخول المنتدى ♥ من الألف إلى اليآء ♥أرجو التثبيت
» قصة سيدنا أيوب عليه السلام
» جاوب الي بعدك..وضع سؤالا
» بعض ما قيل في رجال العراق